Тока хьал боаггӏача боараме дац, яхаш, ЦУРага латкъаш ба бахархой
Тока хьал мехка моттигашка боаггӏача боараме хӏана дац хьожаш ба, мехка доал дарах йолча моттига болхлой «Россеташ Къилбаседа Кавказ» яхача оагӏон къахьегамхошца. Илдарха-Гӏалий тӏара бахархой леткъа тохкама болх дӏабахьа арабаьлар укх наькъа.
Шахьарерча Загородни оалача урамера бахархой ба ток боаггӏача боараме яц яхаш кадараш. «Дӏабихьача балхо гучадаьккхар, тока моттигех дӏахетта бокъо йоаца гӏирсаш долга. Белгалде деза, цу оагӏонцара болх мехкарча ерригача шахьарашка, юрташка бергболга», - дийцар «Сердало» газетага вай мехкарча ЦУРе.
Ток боаггӏача боараме ца хиларо йоккха новкъарле ю бахархошта, мехкарча тайп-тайпарча моттигашта, шоай болх лертӏа дӏабахьара тӏехьа. Нагахьа санна шоаш дахача моттиге ток боаггӏача боараме еце, токацара гӏирсаш лерттӏа болх беш деце, геттара сиха хоам бе беза ЦУРе.
