«Дошо гуйре-2024» яхача гойтаме дакъа лоацаш ба вай мехкара викалаш
11.10.2024 09:36
«Тимирязхой центр» яхача Москверча дешара-гойтама моттиге, укх бетта 9-ча денгара 12-ча денга кхаччалца дӀахьош «Дошо гуйре-2024» яха лаьттан беркатаца бувзабенна гойтам ба. Цига дакъа лоацаш хилар юртбоахама гӀулакхех йолча Министерствон болхлой, цар кулгалхо Гаьгенаькъан Мухьмад.
Тайп-тайпарча оагӀонашкарча толамашта хетабаь бар гойтам. Цхьайолча моттигашка лаьттан беркат хьачукхахьар соцадаьчул тӀехьагӀа, кхоачашде аьттув баьннар гойташ яр из моттиг. Къаьстта лакха терко тӀаяхийта дийцар юртбоахаме къахьега из гӀулакх дикка довзаш бола нах кийчбарах.
