РФ Паччахьалкхен байракха Ди дездеш, хилар Гӏажарий-Юрта
Гӏажарий-Юртарча культуран Цӏагӏа библиотека болхлошца цхьана РФ Паччахьалкхен байракха Цӏай дездеш кхетаче дӏахьош хилар. Маьцхали бетта 22-ча дийнахьа, хӏара шера дездеш дола цӏай да из берригача мехка.
«Библиотекан болхлоша хьаьшашта Российски байракха истори довзийташ йола бӏарчча экскурси кийчяьяр цига. Боккхача мехка байракха кхаь бесах хӏара бос малагӏа маӏан долаш, фу белгалдеш ба дийцар кхетаче. Иштта гулбеннарашта иллеш дӏаоалаш яр культуран Цӏен солистка йола Эльгакаевгӏар Седа, иллиалархой кружокера лакха начӏал дола бераш», - дийцар «Сердалога» культуран Цӏенна кулгал деча Йовлой Ювсапа.
Юкъарча паччахьалкхен цӏайша нах вӏашкаоз, юкъера барт, бувзам чӏоагӏбу; цунга хьежжа ураотташ латтача къонабарашта массахана хьалхадаха деза паччахьалкхен хӏаманца лерхӏам хила безилга. Культуран Цӏен, библиотекан болхлоша дикка къахьийгадар из цӏай кийчдеш, бахархошта дегагӏоз хилийта гӏерташ.
