Тохкамхочун Ди дездир ГӏалгӀайче
ГӏалгӀай Республике гӀолла йолча Россе СК тохкама урхаллен кулгалхочо, юстице полковника Асхабов Мухьмада Ахьмада кулгал деш, лоархӀаме кхетаче хилар, из хетаяь яр Российски Федераце тохкама гӀулакха тӀарча болхлочун Ди хиларца. Цу даькъ тӀа къахьегаш, цар хӀара денна къовсам лоаттабу нийсхон тӀехьа, иштта лораю сага бокъонаш.
Кхетаче дӀахьош дакъа лоацаш бар ГӏалгӀай Республикан Керттера федеральни инспектор Гудов З.Ф., ГӏалгӀай Республике гӀолла йолча Россе УФСБ кулгалхо Шевляков М.О., ГӏалгӀай Республике гӀолла йолча къаман гварде эскара Федеральни Урхаллен кулгалхо Буружанаькъан М.И., ГӏалгӀай Республике гӀолла йолча ФСБ ПУ кулгалхо Синицын В.В., ГӏалгӀай Республике гӀолла йолча УФССП кулгалхо, ГӏалгӀай Республикан керттера суда пирстоп Къоастой З.И., ГӏалгӀай Республике гӀолла йолча Россе ФСО ЦССН кулгалхо Жданов С.А., ГӏалгӀай Республике гӀолла йолча МВД министра заместитель Маммаев Б.А., ГӏалгӀай Республике гӀолла йолча Россе ОФСИН начальник Бекмухамбетов Н.А., ГӏалгӀай Республикан берий бокъонех йола викал Чахкенаькъан З.С., ГӏалгӀай Республикера сага бокъоний викал Цӏечой И.К., тохкама урхаллен болхлой, тохкама ветеранаш, болхлой даьй-ноаной, иштта хоамий викалаш.
Ше къамаьл деш, тохкама урхаллен кулгалхочо Асхабов Мухьмада Ахьмада даькъалабийцар болхлой профессиональни цӀайца, цо белгалдир тохкама урхаллен болхлоша дика толамаш даьха хилар, баркал аьлар цар цу даькъ тӀа дика дакъа юкъедена хиларах. Къаьстта дӀайхача дешашца ловца баьккхар тохкама урхаллен ветеранашта.
Иштта кхетаче дӀахьош къамаьлдир ГӏалгӀай Республикан Керттерча федеральни инспектора Гудов З.Ф., ГӏалгӀай Республике гӀолла йолча Россе УФСБ кулгалхочо Шевляков М.О., ГӏалгӀай Республике гӀолла сага бокъонех волча Цӏечой И.К.
Кхетаче дӀахьош, Российски Федераце тохкама комитета Кулгалхочун амараш дийшар аппарата болхлой, доазон тӀара тохкама отделаш шоай служебни декхараш дика кхоачашдеш, лакха говзал йолаш, балха толамаш доахаш, хьалхашка латта чоалхане декхараш дизза кхоачашдеш уж хиларах, царна баркал оалаш.
«Российски Федераце Тохкама комитета сийдола болхло» яха наькх тӀа боаллабу седкъа белар, цунца цхьана Российски Федераце Тохкама комитета Кулгалхочун Сийлен грамота а луш, юстице тӀахьожама-тохкама отдела инспектора Беканаькъан Османа Рустама, «Толамаш дахарах» майдилг елар тӀахьожама-тохкама кулгалхочун, юстице подполковника Галай Адама Ӏамархана, йоагӀача ханал хьалха а яьккха елар аргӀанара лаьрххӀа йола юстице подполковника цӀи лоархӀаме дола гӀулакхаш тахкара йолча шоллагӀча отдела тохкамхочун, юстице майора Чахкенаькъан Мухьмада Илеза, Сийлен грамота елар воккхагӀа волча лоархӀаме дола гӀулакхаш тахкара йолча хьалхарча отдела юстице лейтенанта Гиренаькъан Зураба Илеза, «Дика болх дӀабахьарах» Ӏ,ӀӀ,ӀӀӀ степена совгӀат делар кхалешта юкъерча Наьсарен тохкама отдела кулгалхочун заместитела, юстице подполковника Бӏарахой Мухьмада Союпа, тӀахьожама-тохкама отдела воккхагӀа волча инспектора, юстице полковника Овшанаькъан Ахьмада Анвара, кхалешта юкъерча Наьсарен тохкама отдела къаьстта лоархӀаш долча гӀулакха тохкамхочун, юстице подполковника Маматанаькъан Саварбика Хазбулата, Илдарха-Гӏалий тӀагӀолла йолча тохкама отдела кулгалхочунна, юстице подполковника Саккхаланаькъан Махьмуда Хьасана, Шолжа кхален лоткъама отдела кулгалхочунна, юстице майора Галай Хизара Мухьмада, криминалистикан отдела тохкамхочунна-криминалиста, юстице майора ГӀоандалой Арсамака Зураба, криминалистикан отдела воккхагӀа волча тохкамхочунна-криминалиста, юстице майора Хьулахой Дауда Гӏапура.
Цул совгӀа хьакхайкадир ГӏалгӀай Республике гӀолла йолча Российски Федераце тохкама комитета урхаллен кулгалхочун амар. Из дар, доазон тӀарча тохкама отделий, аппарата болхлошта, ветеранашта баркал оалаш. Къонача болхлой даьшта-ноаношта баркал оалаш дола каьхаташ делар.
Кхетаче дӀахьош, баркал кхайкадир хоамий даькъ тӀа болх беш болча викалашта. Царех бар «ГӏалгӀайче» яхача республикански юкъара-политически газета керттера редактор Хамхой Руслана Рашид, ГӏалгӀай Республикан Къаман «Магас» телерадиокомпане кулгалхо Боканаькъан Беслана Шамсудин, Паччахьалкхен ше къаьстта долча «Сердало» яхача кепайоазон цӀен кулгалхо Курскенаькъан Ӏадрахьмана Хадижат, «ГӏалгӀайче» яхача паччахьалкхен телерадиокомпане ВГТРК филиала хоамий гӀулакха кулгалхо Малсаганаькъан Мухьмада Аза, «Магас» ГӏалгӀай Республикан Къаман телерадиокомпане продюсер ГетагӀазанаькъан Мухьмада Роза, иштта «Хоамаш» РИАй керттера корреспондент Осканаькъан Батыра Мухьмад.
