Депутата Къоастой ӏумара дийцар, СВО бейнача бӏухой дезалашта пособеш даларах
Шахьара кхела ЛДПР депутат Къоастой ӏумар нах тӏаэцаш волча хана, из волча вера ший да, лаьрххӏача операце бӏухо, венначул тӏехьагӏа гаргара саг воацаш виса Гӏалгӏай республикан къона вахархо.
Цо яхачох, из дӏахо дешаш ва заочно, хӏана аьлча дешар а болх а цхьана леладе таро цахиларах. Из хьатӏадоагӏаш хӏама доацаш висав, латташ йолча бокъонах цун вахара оагӏув хьаллацара таро яц.
Из хьал дувцаш, депутата белгалдир, цу тайпара кхайкаралаш шоашка кхы а даь хилар.
«Нагахьа санна из цаӏ мара воаца гаргара саг вале, моллагӏа йола дешара кеп а цунна ӏаткъаш хила йиш яц вахаре эша новкъостал дара», - аьлар Къоастой ӏумара.
Цу тайпара хаттараш дукха хилар бахьан долаш, ЛДПРа оттадир СВО бӏухой боккхийча дезалашта, 23 шу даллалца болча студенташта новкъостал лоаттадара хаттар, моллагӏча кепара дешар из хиларах. Тахан латташ долча законах цхьаболча кагирхошта из новкъостал дӏакхоачаш дац.
«Вахаро лелаяц «очни» е «заочни» кеп», - аьлар цу хаттарах лаьца ЛДПРа кулгалхочо Слуцкий Леонида.
