Итташ эзараш къахььэсте гаьнаш дӏаегӏар вай мехка
Шолжеи Наьсарени кхалешка 35 гектар долча лаьтта дӏаегӏар 73 эзар къахььэсте га, яхаш, дийцар «Сердало» газетага ГӏР Кулгалхочун зарбан болх лелабераша.
«Республике карардар экологе Шу да, аьнна, хьакхайкадаро, тӏехьара тӏа ӏалама болх кердабоаккхаш латт. Массайолча оагӏорахьара болх чӏоагӏбу, хьун доакъош меттаоттадаргара экологически дешара оагӏонга кхаччалца, цу юкъе моттигера бахархой, говзанчаш а боахаш. Со тешаш ва, цу балхо дика толам баккха таро лургья», - аьлар мехка кулгалхочо Келаматанаькъан Махьмуд-ӏаьлас.
Гӏалгӏайче болх дӏахьош ба баьццара аренаш дукхагӏа яра. Из болх дӏабахьа таро хилар «Хьу лораяр», «Экологе хьал тоадар» яха къаман проект хилар бахьан долаш, уж проекташ могаяьй РФ Президента.
Говзанчаш хьежар гаьнаш дика дӏалатаргйолаш дӏайогӏа.
Гӏалгӏайчен хьу - белггала йола мехка мах бола оагӏув я, из тахан дика хургйолаш, ӏаьдало а цун чудоагӏача боахамаша а терко лоаттаю, республике дукха дахаш хургдола хьун доазонаш хьакхоллара.
