Бахархой тӏаийбеча дийнахьа, итташ хаттараш хул Наьсарерча администрацега
Бахархой тӏаийбу ди дӏахьош, 26 мехкахочун хаттараш доашхаш, тохкаш хилар шахьара да вола Оздой Руслан. Из хоам «Сердалога» бир мэре.
«Эггара хьалхарча оагӏонца терко ераш керттердараш да. Геттара сатем боабеш хилар Московски оалача урамерча № 21 квартирех латтача цӏен подвала чу хий оттар. Шахьара дас тӏадилла, укх деношка къахьегаш хургба цига подвал цӏенъеш, коллекторни гӏирсаш тоадеш бола болхлой.
Иштта белгалдир, цӏенца дувзаденнарашта тӏахьожаш хила безараш из хӏама доалахьа дараш болга», - йоах цу хоамо. Иштта терко йир таро хала йолча дезалашта, царна эшаш дола гӏо де хьожаргба мэре. Шахьара даьна тӏаденача хаттарашта юкъе дар лаьттан доазошца бувзабенна къовсам латташ дола гӏулакх.
Деррига тохкаш, болх дӏахьо, аьнна, тӏадиллар шахьара дас. Бахархошца бувзаме хила, царна эггара чӏоагӏагӏа къувлараш малагӏаш да тахка хьож шахьара мэре.
