СВО доакъашхой бераш хилар Наьсарерча МКЖР
Халкъашта юкъера музея ди дездара чудоагӏаш, «Даьхен лорабой» ганза моттигерча филиала вахара дешашка хьожаш вола Марзагӏанаькъан Мадинас, Буружанаькъан Хаде вӏашагӏъехкар бӏухой берашта культурно-дешара кхетаченаш. Уж бахар Гӏалгӏайчен сийлен моттиг йолча – «Наьсарен-Шахьара «Мемориальнни комплексе».
«Зӏамигача хьаьшашта оаха дӏайихьар экскурси, музея залашка гӏолла. Берашта дайра хьамсарча мехка исторически, культурни мах бараш, иштта дӏаяхача ханашкара хатараш, шоай даьй турпала гӏулакхаш дайзар, цӏихеза нах малаш ба хайра.
Берашта цу комплексе яйра вай къаман тӏакхаьча халонаш, иштта цар кхетадир мел лоархӏаме да даьйх бола дагалоаттам лелабар», - аьлар «Сердало» газетага музея болхлоша.
Ветераний дезалашта цу тайпара кхетаченаш дӏаяхьар лоархӏаме да. Музее бахарах цар дукха хӏама хьаийцар цигара, царна хьагуш дар шоай мехках, къамах доаккхал де йиш йолаш шоаш болга.
