Гӏалгӏайчен культуран болхлоша дакъа лаьцар ЦКНР герга истол дӏахьоча
Гӏалгӏайчен, халкъа кхоллама, культуран кхетачений Республикански Цӏен кулгалхочун гӏончас Котанаькъан Марема, цигарча исбахьален кулгалхочо Абдарзаканаькъан Аьсета, этнографе отдела кулгалхочо Хутенаькъан Тамилас, методиста Цӏолой Заремас дакъа лаьцар «Къаман цӏай- къаман са» яха герга истол дӏахьош. Из хетадаьдар РФ овла хетта дахаш долча кӏезигача къамий Денна, иштта Гагарин Юрий космосе ваха 65 шу дизара. Россе къамий культуран Центро вӏашагӏъелла кхетаче дӏахьош яр «Этнодунен тӏехьале: къамашта юкъера цхьоагӏо» яхача, иштта Россе къамий цхьоагӏон Шу яхача онлайн-кхетачений оагӏонна чуйоагӏаш.
Герга истол дӏахьош дийцар, къаман цӏай дӏадахьарах, вай мехка дахача къамий культурах, цар исторех, царца дувзаденна цӏай дӏахьош йола ханаш дагаехар. Кхетаче къамаьл деш хилар ХМАО-Югра халкъа кхоллама куран Цӏен, ЯНАО къаман культура куран центра, НАО Этнокультура, Кареле Республикан къаман культуран, халкъа кхоллама Центра, иштта Удмурте халкъа кхоллама Республикански Цӏен говзанчаш», - аьлар «Сердало» газетага Котанаькъан Марема.
Герга истол дӏахьош гулбеннараша дийцар, тахан къаман цӏай дӏадахьар- из салоӏама моттиг хиларал совгӏа, культуран кӏийле йовзара дола бахьан да. Иштта вӏашагӏдолл мехка, доккхача исторех доаккхал де йиш йола дакъа.
Цу кхетачен балха чаккхе еш, белгалдир, мах бола культура, ӏадаташ лорадаро, новкъостал ду хӏара къаман культуран бувзам лелабе.
