Гӏалгӏайчен лоаман хьункхорá «Шерара Россе га» яха цӏи яла тарлуш я
«Гаьнаш - дийнача ӏалама сийленгаш» яхача Ерригроссийски программа сайта тӏа www.rosdrevo.ru) кхадж тоссаш ба, цига белгалъергья шерара Российски га. Карарча шера Гӏалгӏайчено цу лоархӏамеча къаман яхье гойташ я ши бӏаь шу дола, ше морг кхы йоаца лоамашка хьахулаш йола хьункхора га.
Хӏанз укх сахьате гӏалгӏай кхора тӏехьа кхадж тессаб 383 сага (цу юкъе укх мугӏарий автора оаз а йолаш). Вайна лоархӏаме да, Гӏалгӏайчен хозал ерригача Россена гургйолаш, из дийна дола сийленг хьаллацар. Йиссар дукха ха яц.
Къаьстта вай хьаллацаро новкъостал дергда Гӏалгӏайчен ӏалама белгалонна котъяла, мехка керттера га из хила. Цун тӏехьа кхадж тасса программа лаьрххӏача сайта тӏа вала веза: www.rosdrevo.ru, цул тӏехьагӏа хьалаха №9 йолча доакъашхошта юкъера «Хьункхор» (Гӏалгӏай Республика). «Кхадж тасса» яха залтинг тӏатоӏае, шоай emaӏl юкъейоале из чӏоагӏдеш, код хьаэца, из цу мугӏаре даккха.
Кхадж тассар мах боацаш да, минот хиллал мара ха а йоаяц - из иштта хилар а ховш да. Новкъостал де ши бӏаь шу долча вай хозаленна котало яккха! Шоай новкъосташца, гаргарча нахаца бекъа из тӏахьехам.
