Гӏалгӏайчен РДНТ кулгалхочо Тӏой-Юртарча хоржамий даькъ тӏа кхадж тессар
Гӏалгӏайчен Республикански халкъа кхоллама Цӏен кулгалхочо Зурабанаькъан Ахьмада Россе Паччахьалкхен Думан, республикан Халкъа Гуллама депутаташ хоржача дакъа лаьцар. Из хилар Наьсарен кхален Тӏой-Юртарча ишколера №714 йолча хоржамий даькъ тӏа.
«Тахан вай мехка латта хьал аттача даккхара, кхувш йоагӏача тӏехьен кхоане тешшаме яра, лораде дезаш да къаман мах бараш. Цудухьа культуран оагӏув дегӏайоалаеш хьалдаьд культуран керда Цӏенош, хьаллоац кхоллама болх. Къаьстта цудухьа хоржамашка дакъа лацар лоархӏаме да, цунца хӏара вахархочо республикан, мехка хургдар хьаллоац», - аьлар «Сердало» газетага Зурабанаькъан Ахьмада.
Белгалду, тахан Гӏалгӏайчен кулгалхой кхадж тоссаш ба Россе Паччахьалкхен Думан, республикан Халкъа Гуллама депутаташ хоржаш. Деррига моттигера хоржамий доакъош къаьга, хоржамий законаш лорадеш болх беш да.
