Дизайн-проекташа гӏо дергда Наьсаре эргаяккха
Наьсаре кийчо е болабелар дизайн-проекташ кхоачашъе двагахьа, яхаш, дийцар «Сердало» газетага доал дара даькъ тӏа.
«Шахьара дика хьалаш» яха федеральни программа, иштта «Вахара хьалаш» яха къаман программа хьакхоллаш, Россе хӏара шера кердадоах шахьарий доазонаш. Гӏалгӏайче, къаьстта Наьсаре, из эггара дукхагӏа кхоачашъеш йола проект я. Хӏанз дӏаболабаьб доазонаш кердадахара болх, уж тоадергда 2026 шера», - аьлар хоамо.
Говзанчаша а болхлоша а къахьегаргдола моттигаш белгалъяьхай. Московски урамах (№31 йолча цӏен юхе), иштта Базорканаькъан 10 проспекта доазув, Хамхой урамах асфальт биллар.
Иштта теркама юкъе да дукхагӏа нах лелаш дола Осканаькъан гон тӏара доазув тоадар. Хьалхагӏа шахьара администраце яхь кхайкайир дизайн-проектех. Интернетага гӏолла гойта хинна цхьайола оагӏонаш езаелар республикан бахархошта.
Наьсарен кулгалхочо Оздой Руслана белгалдир; 2026 шера кхоъ юкъара моттиг, иштта цхьа урам кердабоаккхаргба, аьнна. Болх дӏахьош ба, Наьсарен бахархошта хетар юкъе а доаладеш- цар арт-моттигех, зӏамагӏча архитектуран кепах, шоашта хеташ дола хаттар юкъедаккха таро я.
