ГӀалгӀайчен Ӏалама Министерствога, хьун оакхарашта лаьрхӀа, дIаделар 4 тонн ялат, 250 кг тух
13.10.2023 19:15
Ӏан зама тӀайоагӀаш хиларах, республикан цхьаболча, шоай цӀи яккхар ца дезача наха ГӀалгӀайчен Ӏалама Министерстве хьадера 2 тонн хьажкӀаш, 2 тонн кен, хьунашка лелача оакхарашта лаьрхӀа. Из хоза хоам бера «Сердало» газетага Ӏалам лорадара боахамера.
Ялат денача, оакхарех дог лазаш болча наха, цунца цхьана 250 кг тух а денад. Хьайбаш леладерашта дика ховш да, из мел эшаш да хьайбай кхачанна юкъе.
ГӀалгӀайчен Ӏалама Министерствос баркал оал, цу тайпара терко оакхарашта лоаттаеш болча наха. Ялат а тух а дӀа-юха дийкъа дӀадахьийтад МагӀалбика, Шолжа, Наьсарен кхалешка, хьунагӀа лелача оакхарий Ӏалашо яра болх цигарча хаьхоша дӀахьоргболаш», - аьлар боахаме.
