Лорашка чакхбала алапи луш дола балха ди къоастаду бахархошта
24.07.2025 12:19
Бахархой шоай могашал лораеш, дегӀа хьалага хьожаш хургболаш къахьег цу оагӀонцарча Министерствос.
Чакхвала эшаш мел дола гӀирсаш чулатта машинаш наха болх беча моттигашка, юрташка, шахьарашка дӀа-хьа ух, шоай дегӀа хьал тахка бахархошта атттагӀа хургдолаш. ХӀанз геттара тоадаьд из гӀулакх – чакхвала балхара ди лу сага, цу денах дола ахча ца соцадеш.
УнахцӀенон гӀулакхех йолча Министерстве белгалдечох, «Госуслугашка» гӀолла е поликлинике дӀаязвала веза чакхвала воаллар. ХӀаьта ше балха волча моттиге а чакхвала ди дехаш дехар чудала деза цо. Цу дийнахьа чакхваьнна, лорагара чакхвалара тешал деш йола справка хьаэца еза.
