«Сага бокъонаш» яха урок дӀайихьар, ГӀалгӀайчен вуза студенташца
18.12.2024 11:09
ГӀалгӀай паччахьалкхен университета юридически факультете дешаш болча студенташца, «Сага бокъонаш» яха ерригача Россе хьаллоацаш йола урок дӀайихьар сага бокъонех йолча Аппарата болхлоша. Сага бокъонех долча къамашта юкъерча Ден хетадаь дар из гӀулакх.
«Сектора кулгал деча Пхьарчанаькъан Аминас, керттера болхло йолча Боранаькъан Марема сага бокъонашца дувзаденнарех; Россе а вай республике а сага бокъонаш лораярах бола оагӀув мишта хьахиннаб дийцар студенташта. Иштта шоай балха нийслуча моттигех дувцаш, студентий хаттараш доашхаш, ха яьккхар цар», - хоам бу тха газетага УПЧ.
