Хицара кхоачамбоацараш эшадир ГӀайрбик-Юрта
03.04.2024 01:55
Таханарча ханага вӀалла товш доацаш, гӀувнашка хий леладеш баьхаб ГӀайрбик-Юртара бахархой таханалцца. Мехкадаьца эфире гӀолла бувзам оттабаьча хана, леткъар цигара нах, цу хӀаманца атто е шоашта аьнна.
Даьла къахетамца, цу халача хьалера арабаьлар нах, хӀара цӀагӀа хьаухаргда хий хӀанзчул тӀехьагӀа. Из хоам тха газетага бир Мехкадаь зарбан болх лелабераша. Республика кулгалхочо цу сахьате тӀадиллар, из хьал тоаде аьнна. Беррига болх йистебаьннаб. Насосий станци ший боаггӀача боараме болх беш я тахан.
«Вайна хьалхашка латтача керттерча декхарех да бахархошка лерттӀа хий дӀакхачийтар», - белгалдир вай мехкадас Келаматанаькъан Махьмуд-Ӏаьлас.
