2025 шера Гӏалгӏайчен Магӏалбике тоадергда 3 МКД
23.09.2025 12:52
Ер шу чакхдаллалца Магӏалбика ӏаьдало дӏабахьа лерхӏ кхаь вӏаштӏардаьча цӏеношка уж цӏенхаштта тоадара болх. Балхаш дӏахьоргда республикански программанна чудоагӏаш. Из я Гӏалгӏай Республикан «Дукхаза вӏаштӏардаьча цӏеношта 2014-2043 шерашка» тоадара балхаш дар» яха программа.
Цунца дувзаденна карарча хана гӏишлошка дӏахьош ба подвала чура моттигаш цӏенъяра болх, цига болхлошта хьалхашка этта сурт дикача хьале дац.
Гоголя урамах №32 йолча цӏагӏа нувхаш я, уж тхона ховчох цу цӏагӏа бахача наха гулъеш а я, цӏагӏа гулъяь нувхаш чутувса аьнна лаьрххӏа йола контейнераш яле а. Подвалашка нувхаш хиларо цу наьха шоай вахара хьалаш толхаду, могашала а из ӏаткъаш да, - аьлар «Сердало» газетага Магӏалбика администраце зарбан болх лелабераша.
