«Коталон Ди» яхача яхье котбаьлар зIамагIбараш
Наьсарен кхален Пхьилекъонгий-Юртарча №1 йолча «Жар-птица» яхача берий беша «Барбарики» оала берий тоаба котъяьлар «Коталон Ди» яхача хьехархошта а берашта лаьрхIа дIахьош хиннача яхье, аьлар ГIалгIай Республикан дешара, Iилман Министерствос.
Яхь д1аяхьара бахьан дар, берашта зIамига долча хана денз шоай Даьхенцара безам чуболийтар, шоай мехках уж доаккхал деш хилийтар, къаман мах бараш царна довзийтар.
«Вай зIамигача патриоташа лакха кийчо яь хилар хьагойтар, цар яьккхар хьалхара моттиг «Вокал» даькъе «Йоккха сигале» яхача иллеца.
Оаха даькъаладувц «Барбарики» яхача тоабан бераш котало яккхарца, баркал оал цар къахьегарах, уж даьхенцара безам болаш, начIал долаш хиларах», - аьлар «Сердало» газетага ГIалгIайчен дешара, Iилман Министерстве.
