МЧС болхлой болча даха хилар бераш
25.04.2024 09:25
Магасерча №9 йолча цӀи яьлча оарцагӀаухарий МЧС даькъ тӀа, баьхка хилар зӀамига хьаьший. Берий бешара даьхка бераш цига мел дола хӀама теркалде, кулг тоха ловш, шоашта мел гуш дар чӀоагӀа тамашийна хеташ лелар.
Из хоам «Сердалога» бир МЧС викалаша. Геттара чӀоагӀа цецдаьнна, массанахьа кхача гӀерташ лелача берий ханара болаш мо, царна товр де гӀерташ бар МЧС къахьегамхой.
Баьхка хьаьший зӀамига бале а, хаттараш дукха хилар цар. Дерригнех уж дӀакхетабе гӀерташ, хӀаране хаттара жоп луш, ха яьккхар вай вахаре эггара лоархӀамегӀа болча болхлоша. Россе цӀи йоае оарцагӀъухарий оагӀон 375 шу дизара хетадаь дар из вӀашагӀкхетар», - дийцар тхога МЧС къахьегамхоша.
