ЖӀайрахьа кхале дакъа лоацаш я «80 дика гӀулакх» яхача боламе
05.05.2025 16:50
«80 дика гӀулакх» яхача болама чудоагӀаш, Коталон Денна хетаяь ЖӀайрахьа кхале дукха кхетаченаш дӀайихьар, яхаш, дийцар «Сердало» газетага доал деча даькъ тӀа.
Цу даькъе шин дийнахьа белхий бир ЖӀайрахьа, Олга тӀа, Лаьжге бахача наха. Цхьана цар цӀенйир Ӏарамхин йистош, цун юхера доазонаш.
Хоам бу, массаболча таро йоацача, дукха дезал болча СВО доакъашхой дезалашта кхачан тӀормигаш делар.
Цхьаькха дика гӀулакх дир, инвестора Пхьарчанаькъан Ӏалаудина хьал а лоацаш. ЗӀамагӀча классай 80 гаргга дешархо гулвир «ЦӀай-Лоам» яхача кафе, цига царна мерза, чам бола даараш а ловза моттигаш а йир.
«80 дика гӀулакх» яха акци дӀахо а дӀахьош я. ХӀанз уккхаза хьаде Даьла духьа дика гӀулакх, из хьона юхакхоачаргда иттаза дукхагӀа.
