Яндарерча дзюдоиста Цӏечой Ӏаьлас хьалхара моттиг яьккхар Суздалерча яхье
17.04.2026 09:33
«Россе МВД совгӏат» къовсача Ерригача Россе яхьашка, хьалхара моттиг йоаккхаш, белгалваьлар Яндарера дзюдоист. Из хоам «Сердалога» бир юртарча спорта моттигера.
«Спортсмена, иштта «Чемпион» яхача ФОКА тренера Цӏечой Ӏаьлас дошо майдилг яьккхар цу яхьашка. Бекарга бетта 14-ча денгара 16-ча денга кхаччалца ше-ше котвала гӏерташ вар Суздале 239 спортсмен. Къилбаседа Кавказерча 30 доакъашхочоа юкъе белгалваьлар вай мехкахо», - дийцар тхога ФОКе.
Белгалде деза, из толам спортсменага дуккхача шерашка къахьегарах кхаьчалга.
