Йоккхача Ачалкхе дӏайихьача яхьашка дакъа лоацаш хилар вай дзюдоисташ
Йоккхача Ачалкхе дӏахьош хиннача яхье дакъа лоацаш хилар мехкара 100 совгӏа дзюдоист. Белгалбаьннарашта грамоташ, майдилгаш луш болх дӏабихьар цига.
«Йоккхача Ачалкхерча ФОКе шоай говзал ма ярра дӏагойта ловчар бокъонца дола цӏай эттар, ала йиш я. 105 дзюдоист вар, белгалвала безам хиннар. 42 кг дозал дарашта юкъе котваьлар Балкхойнаькъан Ӏаддал-Малик, дото майдилг елар Алмазанаькъан Ӏаддал-Къаьдара, хӏаьта кхоалагӏча лагӏа тӏа Дебаранаькъан Къурейш, Гаьгенаькъан Ӏумар айттар. 38 кг дозал дарашцара эггара толашагӏа ва аьнна лакхеваьккхар Кхоартой Билал, Ваделанаькъан Абу-Муслима шоллагӏа моттиг елар, кхоалагӏа моттиг Совтанаькъан Ибрахӏима, Цӏечой Ибрахӏима елар. 35 кг дозал дарашта юкъе Балкхойнаькъан Исмаӏал лакхерча лагӏа тӏа эттар, Албохчанаькъан Хьамзат шоллагӏча моттиге, хӏаьта кхоалагӏча лагӏа тӏа – Балайнаькъан Ӏаддал-Рахьим, Гӏамарзанаькъан Саӏид», - дийцар тхога цу моттигера.
32 кг дозал дозал дарех эггара чӏоагӏагӏа вола дзюдоист ва, аьнна, хьакхайкавир Ведажанаькъан Муслим, Гӏанажанаькъан Ӏумаро дото майдилг яьккхар, хӏаьта кхоалагӏча моттиге Бохтаранаькъан Ӏаьла, Йовлой Хайрулла эттар. 29 кг йолчарна юкъе чемпион хилар Пхьиденаькъан Рамзанах, «дотув» дихьар Балкхойнаькъан Ислама. Кхоалагӏа моттиг Гӏазакханаькъан Абукара, Даскенаькъан Адама йийкъар.
Магӏалбика кхален администрацена кулгал деча Къоастой Ӏаддал-Хьамида доккха баркал аьлар лоархӏамеча хьаьшашта, къонабарашта юкъе спорт йоаржаеш, уж цу наькъа тӏахьехаш къахьегаш мел барашта.
