ГӀалгӀайчен дзюдоисташа «Ленинградски областа губернатора Кубке» майдилгаш яьхар
17.12.2024 16:26
Тайп-тайпарча боарама йиъ майдилг яьккхар ГӀалгӀайчен вӀашагӀтехача тоабо, «Ленинградски областа губернатора Кубок» яккхара яхьаш дӀахьош, яхаш, дийцар «Сердало» газетага ГӀалгӀай Республикан спорта Министерствос.
«27 моттигера цига дакъа лоацаш хилар 130 спортсмен. Яхьаш дӀахьош яр Ленинградски областе. Албохчанаькъан Жабраила, 60 кг дозал дарашца яхьеваьнна, дошо совгӀат даьккхар. ЦӀечой Мухьмад-Амина котало яьккхар 81 кг дозал дарашца латаш. Оздой Руслана, 90 кг дозал долаш, хьалхара моттиг яьккхар», - аьлар хоамо.
Тхоца къамаьл даьчо яхачох, Китенаькъан ИбрахӀима борза совгӀат даьккхар. Къамурзой Мухьмадага 73 кг дозал дарашта юкъе пхелагӀа моттиг кхаьчар.
