ГӏалгӀайчен дзюдоисташа Красноярскерча «Шахьарий латар» яхача яхьашка дошув даьккхар
ГӏалгӀай дзюдоисташа чакхдаьккхар «Шахьарий латар. Легион. Петр Багратион» яхача Ерригроссийски яхьий шоллагӀа дакъа. Красноярске дӀахьош хиннача яхье, вай мехкарча вӏашагӏтехача тоабо тешшаме котало яьккхар.
«Наьсаре» яхача тоабо хьалхара моттиг яьккхар, ше дика кийчо яь хилар а гойташ. Яхьаш дӀайихьар 18 шу даьннарашта юкъе. Тоаба юкъевоагӀаш вар ГӏалгӀайчен 13 викал- Сычоев Мухьмад, Гӏазданаькъан Илез, Жандаранаькъан Рахьим, Янарсанаькъан Мухьаммад, Мужхой Ислам, Осканаькъан Мухьмад, Тӏоаршхой ӏаддал-Малик, Могушканаькъан Рамиль, Йовлой Мухьаммад-Башир, Бештой Микаил, Пхьиленаькъан Рахьим», - аьлар «Сердало» газетага ГӏалгӀай паччахьалкхен.
Цига дика толамаш дахарах, ГӏалгӀайчен тоабан таро хургья лоархӀаме яхьаш дӀахьоча дакъа лаца. Спортсмений бокъо я Москве шера керттерча шин яхье дакъа лаца - Гранд-финале, «Шахьарий латара» ерригроссийски суперфинале.
