Ахчанна доал де Ӏомабу единороссаша вай дешархой
19.12.2024 09:32
Ишкола дешархошта, ахчан доал дар мишта хила деза хьехаш ба единороссаш. МагӀалбикерча №16 йолча ишкола дешархошца из урок дӀахьош хилар «ЦаӀ йола Росси» яхача парте доакъашхой бола Йовлой Ӏусман, Мержой Мухьмад. Кхувш латтарашка цар дийцар тахан Россе, иштта республике йоаржаеш йолча вахара проектех.
«Единороссашца дӀахьош йолча цу проекта вай хьалкхувш латтача тӀехьен хьалхадоаккх ахчанцара гӀулакх мишта леладе деза, иштта цу оагӀонцара кердадараш довзаргда берашта.
«ХӀама доаржадара экономика» яхача парте къаман программага гӀолла дӀахьош проект я из. Таханарча кагирхошта цу оагӀонца дувзаденнараш довзаш, нийса кхетадеш хилар лоархӀаме да вай кхоанарча вахаре», - белгалдир Йовлой Ӏусмана.
