МагӀалбикерча спортивни ишкола гӀо дир единороссаша
МагӀалбикерча ТӀумхой Ӏийсай цӀерах йолча спорта ишколера спортсменаш лакха толамаш доахаш, тайп-тайпарча яхьашка белгала болаш хьабоагӀа. 600 бер да цига хӀара денна кийчо еш, цунга хьежжа, цу ишкола эшаш бола кхоачам хилийтар, могаш дола гӀо дар кхувш латтача тӀехьенах дог лазаш мел барашта лоархӀаме хила дезарех да.
Ишкола новкъостал де оарцагӀбаьлар единороссаш. Карарча хана ринг тоаяьй, спорта кийчо еш эшаш йола тайп-тайпара хӀамаш ийцай.
«Вай республика тайп-тайпарча яхьашка дӀайовзийташ, мехка коталонаш кхухьаш къахьегача спортсменашта боккха пайда бергба аьнна хет кердача хувцамаша. ДӀахойодача хана а, тахан санна вай дегашта тоам беш, белгалбоалаш дӀачакхбала низ, аьттув хилба къонача спортсмений», - аьлар «ЦаӀ йола Росси» яхача парте доакъашхоша.
