Единороссаша даькъалабийцар мехкадаьттахой, газ лоаттаю нах
01.09.2024 16:10
Тов бетта цхьоалагӀча дийнахьа, Россе белгалдеш да мехкадаьтта, газ йоахача наьха Ди. ГӏалгӀайче - из Ӏаьржа дошув дола моттиг я.
Республикан доазон тӀа я «Ингушнефтегазпром» АО, «Ингушнефть» РН» ОАО, «Малгобекнефть» НГДУ, Илдарха-Гӏалан мехкдаьтта доаккха предприяти.
Цу боахамашка къахьегаш мел бола нах даькъалабийцар республикан единороссаша цу цӀайца.
«Оаха даькъалабувц цу денца цу боахаме къахьегаш мел бола болхлой! Шо бахьан долаш миллионаш болча наьха фусамашка сийрда а йӀайха а я. Шо да вай мехка энергетически кхерамзлен чӀоагӀо лоаттаераш. Баркал шун къахьегамах», - йоах республикан «ЦаӀ йолча Россе» отделене хоама тӀа.
