Цӏермашиннаькъа болхлой цар цӏайца даькъалабийцар мехкарча единороссаша
«Гӏалгӏайче» яхача цӏермашин тӏара болхлой цар цӏайца - цу оагӏон болхлой Денца даькъала бувцаш хилар «Цаӏ йолча Россе» доакъашхой. Хӏара денна атта доаца декхараш кхоачашдеш болча цу наха баркал оалаш къамаьл дир цар.
«Цӏермашиннаькъ тӏа къахьегачарна хьалхашка латтараш цхьа моллагӏа декхараш дац. Эзараш нах хӏара денна наькъа баха арабоал, цу оагӏонцара кхерамзлен хьалаца дувзаденнараш лертӏа хиларах дог тийша болаш. Боккха лерхӏам бе безаш болх ба цар дӏахьор! Могаш, маьрша болаш, иразе, беркатаца, аьттонца шоай гӏулакхаш кхоачашде, толамаш даха хьинар, низ хилба цар, баркал оалараш ма эшалба царна шоай балха тӏа», - дийцар «Сердалога» «Цаӏ йолча Россе» Наьсарен кхален оагӏон секретарь, республикан Политсовета Президиума доакъашхо волча Бохтаранаькъан Ювсапа.
Наьсарера цӏермашиннаькъа вокзал Къилбаседа Кавказерча Минеральни Водерча оагӏон наькъа юкъейодаш я. Вай мехкарча цигарча болхлоша доккха дакъа лоац, дӏа-хьа ухача наьха кхерамзлен хьал лорадара тӏехьа, иштта цунца дувзаденна дола кхыдола гӏулакхаш боаггӏача боараме кхоачашдаь хилийта гӏерташ.
