ГӀалгӀайчен единороссаш ишколашкара кхача миштаб хьожаш ба
Партийни проекта чудоагӀаш, ГӀалгӀайчен единороссий «Партийни десант» дӀахо а ший болх дӀахьош я, ишколашка берашта кхача балара гӀулакх мишта латт хьожаш. Укх деношка Шолжа кхален Эбарга-Юртарча №2 йолча ишколе дӀайха даар берашта далара болх мишта латт хьежар, яхаш, дийцар моттигерча «ЕР» отделене зарбан болх лелабераша.
Ишколерча даар кийчдеча даькъ тӀа болх мишта бу хьежар Шолжа кхален парте МО секретарь Йовлой Мухьмад, Эбарга-Юртарча администраце кулгалхо Келаматанаькъан Омар, иштта парте моттигерча даькъа доакъашхой.
«Деррига даар кийчду хьалххе оттадаьча беса. Кхачан кхоачам хьаэц ГӀалгӀай Республике гӀолла йолча Роспотребнадзора дӀадеххача тайпара.
Кхача баара йолча моттига санитарни хьал лерттӀа да. Шоай ханнахьа хӀама а юийт берашка. Тхона лоархӀаме да, берашта шоай ханнахьа, дикал йола кхача луш хилар», - аьлар тӀахьожама болх дӀабихьараша.
