Жӏайрахье салаӏа къоастаяьча кердача моттигага, хьожаш хилар единороссаш
Кастта салаӏа керда моттиг хургья Жӏайрахье. ӏоахарганаькъан цӏерах болча ураме дӏахьош латтача балхага хьажа бахар «Цаӏ йолча Россе» доакъашхой.
«2018-2030-гӏа шераш чулоацаш, шахьара куц тоадарах йолча паччахьалкхен программага гӏолла дӏахьош болх ба из. Болх мичахьа кхаьчаб, малагӏча боараме дӏахьош ба тохкаш хилар парте депутаташ», - дийцар «Сердалога» единороссий республикан оагӏоно.
Жӏайрахьа кхален совета кулгал деча Дзовранаькъан Ӏаддал-Хьамида белгалдир, иштта тоаяь моттигаш хилар бахархой хьал аттачахьа доаккхаш, царна паргӏато еш долга. Цо теркалдечох, партийцаш из болх мишта дӏахьош ба тӏахьожаш хила безаш ба. Къаман программан хӏара проектацара болх лакхача боараме чакхбаьккха хилар да лоархӏаме.
Беррига болх чакхбаьлча, нах дезалашца салаӏа вӏашагӏбетталургбола моттиг хургья цох.
