Единороссаш хьежар юкъарча моттигий хьалашка
«Шахьара хьалаш яхача юкъара доазонаш тоадара, цига дика хьалаш хьакхоллара лаьрхIача партийни проекта чудоагIаш, «ЦаI йолча Россе» гIалгIай отделене исполкома кулгалхо Кхоартой ИбрахIим керте а волаш, Магасерча юкъарча массехк доазонга хьежар, яхаш, дийцар «Сердало» газетага «ЦаI йолча Россе» зарбан болх лелабераша.
Уж хилар Коталон парке, республикан аллее, Чахкенаькъан СаIида цIерагIча урамгара Налганаькъан Э. цIерагIча урамга кхаччалца йолча 6-ча микрорайоне.
«Шахьара хьалаш» яха партийни проект кхоачашъеш, гуш ба вахаре боала пайда: юкъара хIама дерий хьинар совдоалаш доагIа, хьакхоллаш я спортивни оагIонаш.
Из проект дIахьош хиларах, нах дукхагIа йолча хана ара салоIаш ба, спортаца ювзаенна ха а дукхагIа дIахьу. ТIехьарча хана керда паркаш, салоIаш йола моттигаш хьакхеллай, керда юкъара моттигаш хьаяьржай, уж наха, хоза а хеташ, тIаэцаш а я», - аьлар Кхоартой ИбрахIима, ше цига хинначул тIехьагIа.
