Из болх дӀахьош, «Шахьара хьал» яхача программага хьежжа, шахьара моттигаш тоаяра тӀехьа кхеллача къаман проектаца дувзаденна керда хувцамаш даьча Магасерча моттигашка хьажа араваьлар шахьара депутатий совета хьалхалатташ вола Дарсиганаькъан Хаваж-Бахьаудин, шийца парте доакъашхой болаш. Из хоам «Сердалога» бир «ЦаӀ йола Росси» яхача оагӀон зарбан болх лелабераша.

«Шахьара куц тоадеш дегӀача гӀандашка, берашта ловза къоастадаьча доазонга, иштта кхыйолча хӀамашка хьежар тхо. ДӀабихьача балха хьал теркалдеш, цхьацца кхоачамбоацараш зийра. Теша лов, дукха ца говш уж дӀадоахаргхиларах», - белгалдир Хаваж-Бахьаудина.