Единороссаш хьежар Магас-Шахьара лицее-берий беша дӀахьоча тоаяра балхага
Республикан единороссаш, шоашта керте «ЦаӀ йолча Россе» ВПП ИРО секретарь а волаш, ГӀалгӀай Республикан гӀишлошъяра министра гӀончаца Манкенаькъан Ильясаца, даьй-ноаной комитета доакъашхошца цхьана бахар Магасера лицей-берий беш тоаяра долча балхашка хьажа, яхаш, дийцар ГӀалгӀай Республикан Халкъа Гулллама зарбан болх лелабераша.
Укх ханага кхоачаш, болх бечар яхачох, 30% балхаш даь даьннад.
Цу гӀишлон тхов тилла, наӀараш хувца, уйнаш хувца, кхы дӀаходола балхаш де лаьрхӀад.
ГӀишлон арара балхаш а дергда. Деррига балхаш йистедоахаргда, маьтсела бетта 25-ча денга кхоачаш.
«ГӀалгӀайчен Ӏаьдало керттера лоархӀача декхарах цаӀ да, дешара моттигаш дегӀайоалаяр. Из вай хургдар дегӀадоаладара йоллаш йола лард я. «ЦаӀ йолча Россе» «Керда ишкола» яха партийни проект хилар бахьан долаш, мехка керда ишколаш хьалъеш я, йолаш йола ишколаш тоаеш латт», - аьлар ТӀумхой Мухьмада.
Белгалду, «Керда ишкола» яхача проекта чудоагӀаш, карарча шера республикан ялх ишкол цӀенхаштта тоаеш латт.
