Гӏалгӏайчен единороссаш хьежар, Наьсарера Коталон Аллея тоаеча балхага
«Цаӏ йолча Россе» партийни инспекци хьежар, Наьсарера Коталон Аллея мишта кердайоаккхаш я. Из гӏишло тоаеш я парте Халкъа программах. Гӏишлон даькъ тӏа вера Наьсарерча единороссий кулгалхо Бохтаранаькъан Ювсап, «ЕР» шахьара совета депутаташ.
«Из аллея Наьсарен юкъарча белгалонех цаӏ я. Карарча хана укхаза дукха болх ба дахьош. Хӏанз гӏишлон тӏа болх дахьош ба машинаш лоаттаю моттиг кийчъеш, вай заман ӏоакъа а я ӏоюллаш. Иштта тоаде лаьрхӏад сийленг. Цигарча балхага хьежачул тӏехьагӏа, инспекце доакъашхоша белгалдир из болх дика дӏабодаш, цунна даим тӏахьожам лоаттабеш хилар», - аьлар «Сердало» газетага «Цаӏ йолча Россе» парте моттигерча даькъе.
Цигара балхаш чакхдаьнначул тӏехьагӏа, Коталон Аллея хоза хургья, цига хьакхолларгья сала1а моттигаш, бурчолгаш, берий майдаш. Ший исторически кеп йоа а ца еш, моллагӏа дола цӏай дадахьара, хӏара денна салоӏаш хилара паргӏата моттиг хургья из.
