Заьзгакъонгий-Юрта хий тоадеш дӏабихьача балхага хьежар единороссаш
Заьзгакъонгий-Юрта хий тоадеш дӏабихьача балхага хьажа арабаьлар «Цаӏ йола Росси» яхача оагӏон Къаман программага гӏолла. Моттигерча бахархой вахарера гӏулакхаш тоадара тӏехьа дӏахьош бола лоархӏаме болх ба из. Буражанаькъан цӏерах болча урама хьал техкар партийни десанто. 200 метрага кхоачаш йола тишъенна хин турбаш хувцаш боахк цига тахан.
«Заьзгакъонгий-Юртарча бахархой вахара хьал аттачахьа даккха гӏерташ, дӏахьош ба из лоархӏаме болх. Хин турбаш шоаш дуаргдар диа яьнна, хувца езача хьале кхаьча дукха ха яр. Из гӏулакх мишта дӏадодаш да хьежар моттигерча парти оагӏон секретарь вола Гӏулой Къурейш, райсовета депутат вола ӏаьленаькъан Дауд.
Болх малагӏча боараме дӏахьош латт хьежа, бахархошца къамаьл дир единороссаша», - дийцар «Сердалога» «Цаӏ йола Росси» яхача парте мехкарча даькъ тӏа. Единороссаша теркалдир, хин лини хувцаш бола болх боаггӏача боараме дӏахьош болга. Теша лов, хин турбаш хийцачул тӏехьагӏа, бахархой цу оагӏонца дувзаденнараш меттадоагӏаргхиларах.
«Цаӏ йола Росси» яхача парте Къаман программага гӏолла дӏахьоча балхах цхьа проект мара яц из хий тоадар. Юрташкара хьал аттачахьа даккхара тӏехьа дӏахьош бола лоархӏаме, боккха болх ба из.
