«ЦаӀ йолча Россе» депутаташа теркалду мехкахой дехараш
13.11.2024 09:37
ЦӀаькха а тешал ду депутаташа терко йоацаш наьха дехараш дуташ цахилара, МагӀалбика кхален Заьзгакъонгий-Юрта хица Ӏалашо яр аттача даьккхар цар.
Карарча хана, моттигерча яхархочо даьча дехарах, хин турбаш хувцаш латт цхьан урам тӀа, депутата Ӏаьленаькъан Дауда ше тӀахьожам а беш, яхаш, дийцар «Сердало» газетага «ЦаӀ йолча Россе» моттигерча даькъе.
«ЦаӀ йолча Россе» зарбан болх лелабераша яхачох, цу юрта Кавказски, Малгобекски урамаш тӀа турбаш хувцаш болх дӀабихьар. Юкъера хьаийцача, 400 метр керда турбаш чуяьхкай. Къаьнара турбаш хувцар - из керттерча декхарех цаӀ да, хӀана аьлча хий дика хьадоагӀаш хилар наьха вахара хьалаш дика хилара тешал деш да», - аьлар Ӏаьленаькъан Дауда.
