Единороссаша шоай тӏахьожам лоаттабу, Наьсарен кхален моттигаш тоаяра
«Парте десант» яха хилар Наьсарен кхален доазонаш, наькъаш тоадара болх мишта дӏахьош ба хьажа. «Цаӏ йолча Россе» викалаш, Гӏалгӏайчен VIII -ча Халкъа Гуллама кхайкаралах депутаталла болхараш бахар цу моттигашкара хьал миштад хьажа. Уж балхаш дӏахьош да «Шахьара хьал», «Кхерамзлен наькъаш» яхача федеральни проектех. Тӏахьожама болх дӏабихьар парте Халкъа программанна чубоагӏаш.
«Парте десанта доакъашхой бахар Гӏаьзе-Коарча Заьзганаькъан урамах дӏахьош болча балха дикалга хьажа. Цар мах оттабир цига баь баьннача балха, из боаггIача беса дӏахьош хилар белгалдир. Уж иштта хилар «Сурхотӏе - Алхасте» яхача, ӏобуллаш латтача машина наькъага хьожаш. Царна хайра из болх йиллача хана йистебоалаш болга, цун дикал миштай. Керттера теркам тӏабахийтар бахархошта мегаш, цар дӏадехача беса из хилара; дикал йолаш, кхерамзлен ӏалошо йолаш хилар да керттердар», - аьлар «Сердало» газетага «Цаӏ йолча Россе» парте моттигерча даькъ тIа.
«Парте десанта» белгалдир, цу тайпара болх дӏахо а дӏахьоргхилар.
