Вайцигарча чарахьаша ткъовронех даар кийчду, хьунагӀа лелача хьайбашта
10.10.2024 18:54
Республикан чарахьаш, тӀехьарча дӀайхача деношка, хьунагӀа лелача хьайбашта лаьрхӀа гаьний ткъовронех даар кийчдеш ба. ДукхагӀа из хилийта деза ха я тӀайоагӀар, хӀана аьлча гӀаьнаш ӀажагӀдерзале е езаш я кийчо, яхаш, хоам бир «Сердало» газетага ГӀалгӀай Республикан Ӏалама Министерствос.
«Уж гӀаьнаш кийчдара болх массехк даькъа бийкъаб: уж хьалхагӀа кийчду, докъаду. ХӀанзле кийчдаьд тайп-тайпарча баьций новраш. Берригаш а 600 нув ба.
Ӏан дӀоахала, уж баьцовгӀа новраш хьунашка гӀолла лелаш дола хьайбаш тӀакхоачаргдолча Ӏодехк», - аьлар, шоай балхах дувцаш, Ӏалам лорадераша.
Цу тайпара, хьайбай йоакхо ю хьалххе а.
Белгалду, бӀарччача шера чарахьаша минералаш лоаттаю хьайбашта, иштта кӀа, тух, кхыдола даараш.
