Гӏалгӏайчен кхелахоша, кагирхоша дийцар; интернетагара болча кхерамах
Гӏалгӏайчен Кагирхой центре вӏашагӏкхийтар «Гӏалгӏайче - кхерамзлен доазув» яхача кхетачен кхелахой, хьинар дараш. Цига дийца керттера дош дар экстремизма кхерамах юкъарло лораяр. Кхетачен доакъашхоша къаьстта терко тӏаяхийтар таьрахьий даькъ тӏарча кхерамзленна, иштта во ӏоткъам бу хӏамаш юстардахара.
Къамаьл деш белгалдир, республикан доазон тӏа машар, чӏоагӏо хилийтара, кагирхой юкъарлоно дика дакъа юкъедахьаш хилар.
Кхетаче хьаеллаш, Миннаца кулгалхочун гӏончас Хьаьшанаькъан Хьамзата, гулбеннарашка моаршал хоатташ, къамаьл дир, цо белгалдир ювца оттаяь тема лоархӏаме хилар.
Кхетачен программе къамаьл дир кхыча викалаша. Цига бар НИИ болхлой, кагирхой Комитета говзанчаш. Цар довзийтар таханара терроризма хьал, иштта цунца къовсам лоаттабара дӏахо де дезар», - аьлар «Сердало» газетага из болх вӏашагӏбеллараша.
Кхетаче дӏахьош хиларо таро елар кагирхошта шоашта хетар ала, балха говзал дӏа-юха эца.
Гуллама доакъашхой ӏомабир къайлагӏара кхерам чулоацаш бола хоам бовза, цо таро лургья тахан латтача хьалашка наьха цхьоагӏо чӏоагӏъе, терроризма, экстремизма моллагӏа йола кеп тӏа ца эцаш духьалъотта.
