Ахархоша кхедер арахьа дIакхахьийтар дикка айденнад
Юртбоахама оагIонцара беркат хила дезачул шозза лакхагIа боарам болаш айденнад мехка укх шера. 18 миллион США доллар мах бола 50 эзар тонн совгIа беркат да вай республикера арахьарча моттигашка дIадахьийтар. Оттабаьча боарамал 97% лакхагIа, дIадахача шера хинначул 21% дукхагIа да укх шерара беркат, Даьла къахетамца. «Сердалога» из хоам бир Мехкадаь, Паччахьалкхен зарбан болх лелабераша.
«Арахьа дIакхухьача хIамашта юкъе да ялат, хьоар, чич, иштта цу оагIонцара кхыдола хIамаш. Юртбоахама гIулакхех йолча Министерствос, лаьттанца къахьегарашца цхьана бувзам болаш дIабихьа болх лакха толам болаш хилар», - йоах тхогарча хоамо.
Вай мехка санна, республикан арахьарча базарашка а дикка даьржа да вайцига кхедаь беркат, хIаьта из гIадвугаш да. Шозза лакхагIа боарам болаш болх фермераша чакхбаккхар дикка къахьийгалга, паччахьалкхен оагIонцара новкъостал хиннилга да. Юртбоахаме къахьегарашта къоастадаьдар 190 миллион сом субсиди.
«Къамашта юкъера коопераци, арахьа даар дIакхахьар» яхача къаман проекта «АПК беркат арахьа дIакхахьар» яхача федеральни проектага гIолла дIабихьа боккха болх ба тахан шортта беркат совдаьккхар. Россе Президента Путин Владимира хьалхашка оттадаь декхараш кхоачашдеш, 2021-ча шера хинначул шозза дукхагIа беркат 2030-ча шера хилийтара тIехьа къахьегаш ба тахан вай мехка, Даьла низаца.
