Илдарха-Гӏалий тӏа, МЧС викалашца цхьана, саготача хьалера кхетаче хилар
25.05.2026 11:34
Таханара Илдарха-Гӏалан администраце кхетаче, саготача а сихача а хьале вӏашагӏъелла яр. Цига дакъа лоацаш хилар моттигерча МЧСа викал, яхаш, дийцар «Сердало» газетага из болх вӏашагӏбеллараша.
«Илдарха-Гӏалан кулгалхочо Дидиганаькъан Ахьмада, моттигерча МЧС кулгалхочун гӏончас Мислауров Умалата, Шолжа кхален кулгалхочо Татенаькъан ӏийсас дийцар шахьара, иштта Эбарга-Юрта даькъ тӏа этта чоалхане хьал. Из нийсделар цахаддаш догӏаш делхар бахьан долаш.
Цига дийцар бахархой кхерамзлен ӏалашо ярах, царна ма хулла кӏезигагӏа зе хилийта хьажа безарах. Дукхагӏча даькъе къоастадир чоалхане хьал юкъедаккхара малагӏа таронаш я, доал деча даькъ тӏара хьал миштад», - аьлар хоамо.
