Илдарха-Гӏалий тӏара, Яндарера тока хьал тешаме хургдола болх беш ба
Тока хьал меттадоаладара тӏехьа къахьегаш ба мехка цу оагӏонцара болхлой. Яндаре, Илдарха-Гӏалий тӏа болх дӏахьош боахк тахан. Тишъенна, шоай ха йиа яьннача хӏамашта меттел кердаяраш оттаеш къахьегаргда цига. Кхераме лоархӏаш долча тока саьргашта когаметта тахан хьадаьннараш дохийтаргда.
«Наха лоархӏаме да цӏагӏа массахана сийрда, йӏайха хилар, ток боаггӏача боараме лоаттаяр. Тока хьалага хьежжа хул дарбанчешкара, ишколашкара, берий бешамашкара болх, иштта бахархой цӏагӏара гӏулакхаш а. Шелал латтача хана, къаьстта боккха низ тӏалатташ хул тока моттигашта, из теркаме лоацаш болх боаггӏача боараме хьаоттабара тӏехьа къахьегаш ба тахан. Тишденна гӏирсаш хувцар, хан-ханнахьа кулг тохаш хилар, лоархӏаме да тахан цу оагӏонца», - язду вай мехкадас Келаматанаькъан Махьмуд-ӏаьлас ший телеграм - оагӏон тӏа.
Яндарера, Илдарха-Гӏалий тӏара болх йистебаьлча; 6,3 эзар совгӏа болча бахархошта боаггӏача боараме ток лоаттае йиш хургья. Цул совгӏа, ишколаш, берий бешамаш, амбулатореш юкъе йолча лоархӏамеча 9 моттига тока хьал а дикагӏа хургда.
