Из урок, берашта юкъе, дIаяхьара маIан дар, электроэнеркетика объекташта юхе ловзаш дола, бераш зуламах лорадар, — керттера маIан — ловзарах а, цхьайолча моттиге, зе дала тарлу.

Энергетикаша берашта хьалдаьккхар ток яхар фуд а, цIагIа а ара а цу дешах мишта лоравала веза а, оборудоване тIа из дош хьалхадоккхаш латта знакаш малагIаш я а.

ДIахо берашта дIадовзийтар, ара ди къувкъаш енача ханашка, ток чуйоагIаш долча гIирсашта мел гаьна вала веза, тока аьшкасаьргах лоравалар, тока бIоагIашта тIавалар, нагахьа санна улув гIолла тока аьшкасаьрг бодаш хилча, цIенна тхов тIа е кхыйолча гIишлон тIа хьалтIавалар, цунна юхегIолла урагIа муш а е кхыйола тIIирг а тоссаш ловзар деш хилар мел унзара да, ток тоха йиш йолаш хиларга диллача. Иштта, хьалхадаьккхар, нагахьа санна, сага ток теха моттиг хилча, хьалхара новкъостал дар мишта хила деза.

Берашта, лаьрххIа царна гойтара яьккха, тока кхерамзлен селфи дIагойтар технически объекташкара сурт довзийташ.

Урок йистейоалаш берашта, де йиш йоацача хIамай пхийтта моттиг тIайола памяткаш елар, нагахьа санна, цу тайпара хатар хинна моттиг нийсъелча хьалхарча аргIах де дезар тIадолаш.

ЧIоагIа лоархIаме да берашца цу тайпара болх дIабахьар, цар дика теркам тIабохийт иштта деча хьехара, из даима цар дегашка дуссаш да. Тха декхар да берашта, ма дарра, из сурт дIадовзийтар, уж воча хIамах лорабар. Цу тайпара бола кхетам, дешара кхуврчашка а цIагIа а, луш хила беза, ресурсаш лорадара терко тIайохийтаргйолаш», — аьлар «Россети Северный Кавказ» — «Ингуэнерго» филиала кулгалхочун декхараш кхоачашдеш волча ГIоандалой Ислама.

Энергетикаша кийчъю лаьрххIа йола, хоамий материалаш дешархошта лаьрхIа, телеканалашка гIолла дIагойт токах лоравалара лаьрхIа йола, роликаш.