2026-ча шера шоллагIча лиган Б даькъе ловзаш хургья ФК «Ангушт»
11.02.2026 11:03
2026-ча шера шоллагIча лиган Б даькъе ший говзал гойташ хургья «Ангушт» яха футбола тоаба. Яхьашка дакъа лацарах дола каьхат хьаийцад цо.
«Цу оагIонцара болх дIахьош хилар селхан ФНЛ комиссе кхетаче. ГIалгIай футболистий тоаба аттестацех чакхъяьннай, футболисташ кийчо еш ба. Цу гIулакхо хьагойт тоабан моттиг лакхерча лагIа тIа латтилга», - дийцар тха газетага футболах йолча Федераце президента Хьулахой Хаважа.
28 тоаба я дакъа лаца хержараш. ДIадахача шера лайзачул дикагIа, кадайгIа ловза безаш ба уж укх наькъа.
