ЮФО-СКФО 3-ча лиган яхьашка ловзаш хургба, «Вайнах» яхача Наьсарерча тоабан футболисташ
17.03.2026 10:53
Наьсарера «Вайнах» яха футбола тоаба ЮФО-СКФО 3-ча лиган яхьашка ловзаш хургья. «Сердалога» из хоам бир футболах йолча Федераце президента Хьулахой Хаважа.
«Вайна геттара лоархӏаме я уж яхьаш, хӏана аьлча укх массайтта шера эггара хьалха шоллагӏча, кхоалагӏча - шин лиге дакъа лоацаш я вай реcпублика.
Бекарга бетта 4-ча дийнахьа дӏайолалу яхьаш. Кхоалагӏча лиге шозза чемпион хиннача «СтаврАгроСоюз» яхача тоабанца ловза безаш ба «Вайнаха» футболисташ. Наьсарерча лицея стадиона тӏа хургда из ловзар», - дийцар тха газетага.
«Ангушт» футбола тоабанца ловзаш хинна Зангенаькъан Тимур ва «Вайнах» тоабанна керте латтар.
«Вайнах» тобанна аьттув болаш хилда из ловзар», - аьлар Хьулахой Хаважа.
