Тӏема аренашка воӏ воацаш йисача нанна гӏо дир «Даьхен лорабой» яхача ганзо
08.08.2026 21:45
СВО ветеранашта, цар цӏагӏарча наха эшар фуд хьожаш, могачох хьал аттача доаккхаш ба ганза болхлой. Тӏема декхараш кхоачашдеш, вахар хаьдача Малсаганаькъан Бек-хана Хӏарона нана ера «Даьхен лорабой» яхача ганза мехкарча филиала болхлой болча.
«Санаторе яха, ший дегӏа могашал меттаоттае новкъостал де шийна, аьнна, дийхар Къоасама Аннас. Беканаькъан Мадина хьежар цун гӏулакхага. Эшаш дола каьхаташ гулдеш гӏо даь, мехкарча СФР дӏадахьийтар уж дӏахо тахка», - йоах «Сердалога» цу моттигера кхаьчача хоамо.
Ганза болхлой хьажарах, укх бетта 25-ча дийнахьа денз, уллув гаргара саг волаш, «Смена» яхача Кисловодскерча санаторе салоӏаш, ший могашал меттаоттаеш хургья бӏухочун нана.
