ВIашагIкхетар дIадихьар Каспийске шахьара стадионе, 2:0 чот а йолаш йистедаьлар бургацах ловзар,- аьнна, хоам бу «Ингфутбол. ру»

Шозза бургац чуяьккхар «Ангушт» команда ловзара шоллагIча даькъе. 67 минот ха дIайодаш назрановцаш хьалхленга бигар Балайнаькъан Мухьмада, саьнгара бургац теха, 85 — ча миноте чот совъяьккхар новкъостала араваьннача Iаьленаькъан Бекхана, цо аргIанара гол чуяьккхар

«Ангушто» пхиъ котало яьккхар чемпионате, 15 очко а йоаккхаш, турнирни таблица тIа хьалхарча моттиге нийсъелар из, даьхача толамашка хьежача из нийсъелар прохладнерча «Энергетикашца». ХIаьта «УОР-Дагестан» итт балл йолча таблица тIа пхелагIча моттиге IокIалаяьлар. АргIанарча матче «Ангушт» кIимарса бетта 3- ча денна ловзаргъя «Дербент» ФК духьала.