Футбола юкъарлоно гӏо дийхар Наьсарен-Шахьара кулгалхочунгара
Футбола юкъарлоно, зӏамигача футбола ветеранаша новкъостал дийхар Наьсарен мэрагара Оздой Русланагара. Царна дезар Наьсарен Заводской кхален ФОКа юххера зӏамигача футбола дакъа цӏенхаштта тоадар.
Видеокхайкарал даьд республикан спорта викалаша, цо чулоац тахан цу даькъ тӏа латташ дола хьал. Цар яхачох, доал дара даькъ тӏа болх беш «Нарт» яха цхьа зӏамигача-футбола майда я, из а мах бала безаш я. Из новкъа да цига каст-каста кагирхошта тренеровкаш, мукъа ха дӏаяхьара.
Видеоавтораша дех Оздой Русланага Наьсарен Заводской кхален даькъ тӏара зӏамигача тфутбола майда тоаяр, цига тайп-тайпара яхьаш дӏаяхьа таро хургйолаш. Вай заман синтетически оаса бахийта беза цу даькъ тӏа, кхыдола балхаш а де деза.
«Из футболах ловзара йола моттиг вай шахьаре меттаоттаяр лоархӏаме да. Мах бала ца безаш, спортивни майдаш хиларо кагирхой тӏахьехаргба, унахцӏено йола вахара хьисап леладара», - йоах видеога гӏолла кхайкарал даьраша.
