«Дегаза боабашка кӀориг» яха спектакль я, берий театро хьокхаш
Андерсена язбаьча фаьлгах хьокхача спектакло берий дегашта боккха тоам бу. «Дегаза боабашка кӀориг» яхача спектаклага хьежар тахан ТӀой-Юртарча № 4 йолча ишкола дешархой, Пхьилекъонгий-Юртарча № 1 йолча ишколера бераш, «Дикача наьха клуб» яхача гӀо деш йолча ганзо терко лоаттаю бераш.
Из хоам «Сердало» газетага бир театра зарбан болх лелабераша. Фаьлг бешача хана вай хулаш дола хьал санна дац, ший бӀаргашта из гуш хилар. Берий дегаш чӀоагӀа гӀоздоахаш, болх ба из.
«Спектаклага гӀолла берашка кхетадайта гӀерт тхо фаьлгаца керттердар: боабашка бӀена чу малхаялар вӀалла хала дац, гӀургӀажа фуа чура араяьннаяле», - дийцар театра зарбан болх лелабеча ПхьаргӀилганаькъан Марианнас.
Кхоана ши сахьат даьлча, хьеж театр ший хьажархошка. Пушкина карта яха программа я цига дӀахьош.
