Из хоам «Сердалога» бир «Газпром межрегионгаз Наьсаре» яхача ООО оагӀон зарбан болх лелабераша. Яхьаш дӀаяхьара керттера бахьан - РФ моттигашка бахача наха газа оагӀонцара хувцамаш, кердадараш, цу моттиге къахьегараша дӀахьош бола болх дӀабовзийтар. 2024-ча шера Ӏан шоллагӀча бетта 1-ча денгара 2025-ча шера ахкан тӀехьарча бетта 1-ча денга кхоачаш; газа балхах дола йоазош, киносюжеташ арадаьнна нах ба яхьашта юкъе дакъа лаца бехараш.

Ялх оагӀонах латташ я яхь: «Телевиденера, видеохостингашкара дикагӀа йола сюжет», «ДикагӀдола йоазув», «Эггара дикагӀа бола хоам», «Интернетера эггара дикагӀа дола йоазув», «Блогашкара, вахара оагӀонашкара дикагӀа бола болх», «Радиора эггара толашагӀа бола болх».

Дакъа лаца ловчо ший дехар чудала деза 2025-ча шера ахкан тӀехьарча бетта 31-гӀа ди тӀакхачалехь. Яхьан кхелахошта керте латтар ва «Газпром межрегионгаз» яхача оагӀонна кулгалду Густов Сергей. Котбаьннараш белгалбергба 2025-ча шера Санкт-Петербурге дӀаяхьа лерхӀача къамашта юкъерча газа гӀулакхех йолча кхетаче.